Ayuntamiento de Langreo
La conceyala de Comerciu, Industria y Tecnoloxía, María Fernández, recibió na Casa'l Conceyu Llangréu a un grupu de 30 escolinos y escolines y 8 profesores de tres institutos d'enseñanza secundaria, ún de La Línea de la Concepción (Cádiz), otru de Lleón y el Santa Bárbara de La Felguera,
Esti grupu estudiantes participa nun programa centráu nel ameyoramientude la convivencia. Trátase de qu'analicen situaciones a les que tienen qu'enfrentase y pongan en común técniques de mediación pa la solución de los conflictos y l'ameyoramientu de la convivencia.
Amás, demientres los dos díes que dura esti intercambiu van tener la oportunidá de conocer el conceyu Llangréu, de fechu, mañana tienen previsto realizar un percorríu per La Felguera industrial. Tamién van facer otres visites, ente elles una a la ciudá d'Uviéu.
