Ayuntamiento de Langreo
El primer taxi adaptáu pa persones con dalguna discapacidá, movilidá reducida o pa treslladar madres con carros de bebé de Llangréu presentóse nel Centru Integral pa la Seguridá Vial (Cisvial).
Esti vehículu ye una realidá gracies al conveniu firmáu a tres bandes, el pasáu 13 de setiembre de 2011, ente l'Ayuntamientu de Llangréu, l'Institutu de Mayores y Servicios Sociales (IMSERSO) y la Fundación ONCE.
Cola incorporación d'esti nuevu vehículu a la flota de taxis del conceyu ameyórase esti serviciu públicu y se facilita'l desplazamientu al colectivu de persones que sufren dalgún tipu de discapacidá o a mayores, anque'l serviciu va poder utilizalu tou tipu de clientes.
Trátase d'un vehiculu volkswagen Caddy, con capacidá pa cinco places más siella, y que contó con una subvención de 10.000 euros.
A la presentación d'esti vehículu adaptáu asistieron l'alcaldesa de Llangréu, Esther Díaz, la conceyala de Bienestar Social, Ana San Miguel, amás de representantes de la Sociedá Cooperativa Radiotaxi de Llangréu, ONCE, Cocemfe, Aspaym y del Centru de Mayores de Sama.
